ಮೈಸೂರು ನಗರದಲ್ಲೂ ಕಾವೇರಿ ಹೋರಾಟ ತೀವ್ರಗೊಂಡಿದೆ. ಮೈಸೂರು ನಗರದ ಕಾಡಾ ಕಚೇರಿ ಬಳಿ ಕಾವೇರಿ ನದಿ ನೀರು ಹೋರಾಟಕ್ಕೆ ಸಾಹಿತಿಗಳು ಸಾಥ್ ಕೊಟ್ಟಿದ್ದಾರೆ. ಪ್ರತಿಭಟನೆಯಲ್ಲಿ ಹಿರಿಯ ಸಾಹಿತಿಗಳಾದ ಸಿ.ಪಿ.ಕೃಷ್ಣಕುಮಾರ್, ಪ್ರೊ.ಕೆ.ಎಸ್.ಭಗವಾನ್, ಲತಾ ರಾಜಶೇಖರ್ ಸೇರಿ ಹಲವರು ಭಾಗಿಯಾಗಿದ್ದಾರೆ. ರಾಜ್ಯಕ್ಕೆ ಕೇಂದ್ರ ಹಾಗೂ ನ್ಯಾಯಾಲಯ ತೆಂಗಿನ ಚಿಪ್ಪು ನೀಡಿದೆ. ಜೀವ ಇರುವಾಗ ಜೀವನ ಕೊಡಿ, ಸತ್ತ ಮೇಲೆ ಪರಿಹಾರ ಏಕೆ? ಎಂದು ತೆಂಗಿನ ಚಿಪ್ಪು ಹಿಡಿದು ಘೋಷಣೆ ಕೂಗಿ ಸಾಹಿತಿಗಳು ಆಕ್ರೋಶ ಹೊರ ಹಾಕಿದ್ದಾರೆ.
