ಕೊಡಗಿನ ಹವಾಗುಣಕ್ಕೆ ಒಗ್ಗಿಕೊಂಡಿರುವ ಮರ
ಸಣ್ಣುವಂಡ ಕಿಶೋರ್ ನಾಚಪ್ಪ ಮಡಿಕೇರಿ
ಕರಿ ಮೆಣಸು ಕೃಷಿ ಮತ್ತು ಆದಾಯ ಮೂಲವಾಗಿ ಬೆಳೆಗಾರರ ಆಯ್ಕೆಯಾಗಿದ್ದ ಸಿಲ್ವರ್ ಓಕ್ ಮರವನ್ನು ಮಹಗನಿ ಮರ ಹಿಂದಿಕ್ಕಿದೆ. ಕೊಡಗಿನಲ್ಲಿ ಬಹುತೇಕ ಬೆಳೆಗಾರರು ಮಹಗನಿ ಕೃಷಿಗೆ ಮುಂದಾಗಿದ್ದಾರೆ. 10 ವರ್ಷಗಳಲ್ಲಿ ಆದಾಯ ನೀಡುತ್ತಿದ್ದ ಸಿಲ್ವರ್ ಓಕ್ ಮರಕ್ಕೆ ಸರಿಸಾಟಿಯಾಗಿ ಮಹಗನಿ 20 ವರ್ಷಗಳಲ್ಲಿ ಆದಾಯದ ಮೂಲವಾಗುತ್ತಿದೆ.
ಸಿಲ್ವರ್ ಮರ ಸಾಫ್ಟ್ ವುಡ್ ಎಂಬ ಹೆಸರು ಪಡೆದುಕೊಂಡಿದ್ದು, ಮಹಗನಿ ಗಟ್ಟಿ ಮರ ಎಂಬ ಹೆಸರಿನಲ್ಲಿ ಟಿಂಬರ್ ಮರ ಎಂಬ ಹೆಸರಿನೊಂದಿಗೆ ಮುಂದುವರಿಯುತ್ತಿದೆ. ಕರಿಮೆಣಸು ಬಳ್ಳಿಗೆ ಆಶ್ರಯ ನೀಡುವುದರಲ್ಲಿ ಮಹಗೋನಿ ಎಷ್ಟರ ಮಟ್ಟಿಗೆ ಪೂರಕವಾಗಲಿದೆ ಎಂಬ ಚರ್ಚೆ ಆರಂಭವಾಗಿದೆ. ಕರಿಮೆಣಸು ಕೃಷಿಗೆ ಪೂರಕ ಎಂಬ ಕಾರಣಕ್ಕೆ ಈ ಮರಗಳು ಹೆಚ್ಚು ಕೃಷಿಕರನ್ನು ಸೆಳೆಯುತ್ತಿದೆ.
ಸಿಲ್ವರ್ ಓಕ್: ಕೊಡಗಿನ ಕಾಫಿ ತೋಟಗಳಲ್ಲಿ ಸಿಲ್ವರ್ ಮರಗಳ ಕೃಷಿ ಹೆಚ್ಚಾಗಿತ್ತು. ಕರಿಮೆಣಸು ಬಳ್ಳಿಗೆ ಆಶ್ರಯ ನೀಡಲು ಪೂರಕ ಎಂಬ ಕಾರಣಕ್ಕೆ ಹೆಚ್ಚುಆಗಿ ಅವಲಂಭನೆಯಾಗಿತ್ತು. ಆರ್ಥಿಕ ಸುಧಾರಣೆ ಮತ್ತು ಕಾಳುಮೆಣಸು ಉತ್ಪಾದನೆಗಾಗಿ ಹೆಚ್ಚೆಚ್ಚು ಸಿಲ್ವರ್ ಮರಗಳನ್ನು ನಿರ್ದಿಷ್ಟ ಪ್ರದೇಶಗಳಲ್ಲಿ ಬೆಳೆಯಬಹುದು ಎಂಬ ಕಾರಣಕ್ಕೆ ಸಿಲ್ವರ್ ಓಕ್ ಮರಗಳನ್ನು ಬೆಳೆಯಲಾಗುತ್ತಿದೆ. ಅಲ್ಲದೆ ಬೇಗನೆ ಮರಗಳನ್ನು ಮಾರಾಟ ಮಾಡಬಹುದಾಗಿರುವುದರಿಂದ ಮರಗಳು ಹೆಚ್ಚಾಗುತ್ತಿದೆ. ಇದರೊಂದಿಗೆ ಜಲಮೂಲಕ್ಕೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆ ಎಂಬ ಸಂಶೋಧನಾ ವರದಿಗಳು ಕೂಡ ಹೆಚ್ಚಾಗಿದೆ. ಸಿಲ್ವರ್ ಮರಗಳು ಇರುವ ತೋಟಗಳಲ್ಲಿ ನೀರಿನ ಇಂಗುವಿಕೆ ನೀರಿನ ಮಟ್ಟ ಕ್ಷೀಣಿಸುತ್ತಿದೆ. ಮಣ್ಣಿನ ಫಲವತ್ತತೆ ಕೂಡ ಕಳೆದುಕೊಳ್ಳುತ್ತಿದೆ. ಕಾಡು ಮರಗಳ ಬೇರುಗಳು ತುಂಬಾ ಆಳ ಮತ್ತು ಅಗಲವಾಗಿ ಹರಿಯುವುದರಿಂದ ಗಾಳಿಗೆ ಮರದೊಂದಿಗೆ ಬೇರುಗಳು ಅಲುಗಾಡುವುದರಿಂದ ಭೂಮಿಯ ಕೆಳಗೆ ನೀರು ಇಳಿಯುವುದು ಮತ್ತು ಗಾಳಿಯೂ ಕೂಡ ಸೇರುತ್ತದೆ. ನೀರು ಇಂಗುವುದು ಮತ್ತು ಅಂತರ್ಜಲ ಮಟ್ಟ ಹೆಚ್ಚಾಗುತ್ತಾ ಸಾಗುತ್ತದೆ ಎಂಬ ಅಭಿಪ್ರಾಯ ಹೆಚ್ಚಾಗಿದೆ. ಸಿಲ್ವರ್ ಓಕ್ ಮರಗಳಿರುವ ಪ್ರದೇಶಗಳಲ್ಲಿ ಇಂತಹ ಪೂರಕ ಪರಿಣಾಮಗಳು ಸಿಗುತ್ತಿಲ್ಲ. ಇದರಿಂದಾಗಿ ವರ್ಷಂಪ್ರತಿ ಮಳೆಯ ಪ್ರಮಾಣ ಸಾಮಾನವಾಗಿದ್ದರೂ ಮುಂಗಾರು, ಹಿಂಗಾರು ಹೀಗೆ ಸಮತೋಲನ ಕಾಣಿಸಿಕೊಳ್ಳದೆ ಏರಿಳಿತ ಉಂಟಾಗುತ್ತಿದೆ. ನೀರು ಹಿಂಗದೇ ಹರಿಯುವುದರಿಂದ ಮೇಲ್ನೋಟಕ್ಕೆ ನೀರು ಕಂಡರೂ ಜಲಸಂರಕ್ಷಣೆ ಆಗುತ್ತಿಲ್ಲ. ಪರಿಣಾಮ ಕಾವೇರಿ ಜಲಮೂಲಕ್ಕೆ ತೊಡಕಾಗಿದೆ ಎಂಬುದು ತಜ್ಞರ ಅಭಿಪ್ರಾಯವಾಗಿದೆ. ಇದರಿಂದಾಗಿ ಸಿಲ್ವರ್ ಮರ ಕೃಷಿಯಿಂದ ಸಾಧಕ-ಬಾಧಕ ಎರಡು ಚರ್ಚೆಯಲ್ಲಿದೆ. ತೋಟಗಳಲ್ಲಿ ಶೇಕಡ 25 ರಷ್ಟು ಸಿಲ್ವರ್ ಮರಗಳು ಇದ್ದರೆ ದುಷ್ಪರಿಣಾಮ ಕಡಿಮೆ ಎಂಬುವುದು ತಜ್ಷರ ಅಭಿಪ್ರಾಯವಾಗಿದೆ. ಬಹುತೇಕ ತೋಟಗಳು ಶೇ. 40-60 ರಷ್ಟು ಮತ್ತು ಶೇಕಡ 90 ರಷ್ಟು ಸಿಲ್ವರ್ ಮರಗಳನ್ನು ಬೆಳೆಯುತ್ತಿರುವುದು ಜಲಮೂಲದ ಮೇಲೆ ಪ್ರತಿಕೂಲ ಪರಿಣಾಮಕ್ಕೆ ಕಾರಣವಾಗಿದೆ.
ಲೆಕ್ಕಾಚಾರ: ಬೆಳೆಗಾರರ ಆರ್ಥಿಕತೆಯಲ್ಲಿ ಲಾಭ-ನಷ್ಟದ ಲೆಕ್ಕಾಚಾರ ಇದೆ. ಸಿಲ್ವರ್ ಮರ 10-15 ವರ್ಷಗಳಲ್ಲಿ ಮಾರಾಟ ಮಾಡಲು ಅವಕಾಶವಿದೆ. ಸಾಫ್ಟ್ ವುಡ್ಗೆ ಬಳಕೆಯಾಗುತ್ತಿದೆ. ಕರಿ ಮೆಣಸು ಬಳ್ಳಿ ಆಶ್ರಯಕ್ಕೆ ಪೂರವಾಗಿರುವುದರಿಂದ ಬೆಳೆಗಾರರು ನೆಚ್ಚಿಕೊಂಡಿದ್ದಾರೆ. 10 ವರ್ಷಗಳ ನಂತರ ಹಣ ಗಳಿಸಲು ಅವಕಾಶವಿದೆ. ಮಹಗನಿ ಸುಮಾರು 20 ವರ್ಷಗಳಲ್ಲಿ ಟಿಂಬರ್ಗೆ ಬಳಸಬಹುದಾಗಿದೆ. ಗಟ್ಟಿ ಎಂಬ ಕಾರಣಕ್ಕೆ ದರ ಕೂಡ ಹೆಚ್ಚಿದೆ. ಈ ಎರಡು ಮರ ಕಡಿಯಲು ಸರ್ಕಾರದ ನಿಯಮ ಪಾಲನೆ ಅವಶ್ಯಕತೆ ಇರುವುದಿಲ್ಲ.
ಮಹಾಗನಿ: ಸ್ವೀಟೆನಿಯಾ ಮಹಾಗನಿ ಸಾಮಾನ್ಯವಾಗಿ ಅಮೇರಿಕನ್ಮ ಹೋಗಾನಿ, ಕ್ಯೂಬನ್ಮಹೋಗಾನಿ, ಸಣ್ಣ-ಎಲೆಗಳಮಹೋಗಾನಿ ಮತ್ತು ವೆಸ್ಟ್ ಇಂಡಿಯನ್ಮ ಹೋಗಾನಿ ಎಂದು ಕರೆಯಲಾಗುತ್ತದೆ. ವಿಶ್ವ ಸಮರದ ಸಮಯದಲ್ಲಿ ಸಣ್ಣ ದೋಣಿಗಳ ನಿರ್ಮಾಣಕ್ಕೆ ಬಳಕೆ ಮಾಡಲಾಗಿತ್ತು ಮರವನ್ನು ಮತ್ತು ಸ್ವಿಟೆನಿಯಾದ ಇತರ ಎರಡು ಜಾತಿಗಳನ್ನು ಅದರ ಉನ್ನತ ಟೋನ್ವುಡ್ ಗುಣಗಳಿಂದಾಗಿ ಆಧುನಿಕ ಸಂಗೀತ ವಾದ್ಯಗಳನ್ನು ತಯಾರಿಸಲು ಬಳಸಲಾಗುತ್ತದೆ. ಕೆಲವೊಮ್ಮೆ ಗಿಟಾರ್ ಮೇಲ್ಭಾಗ, ಹಿಂಭಾಗ, ಬದಿ ಮತ್ತು ಕುತ್ತಿಗೆಯಲ್ಲಿ ಬಳಸಲಾಗುತ್ತದೆ. ಸ್ವೀಟೆನಿಯಾ ಮಹಾಗೋನಿ ಮಧ್ಯಮ ಗಾತ್ರದ ಅರೆ- ನಿತ್ಯಹರಿದ್ವರ್ಣ ಮರವಾಗಿದ್ದು, 30-35 ಮೀ. ಅಥವಾ (98–115 ಅಡಿಗಳು) ವರೆಗೆ ಬೆಳೆಯುತ್ತದೆ. ಆಳವಾದ, ಶ್ರೀಮಂತ ಮಣ್ಣಿನಲ್ಲಿ ಉತ್ತಮವಾಗಿ ಬೆಳೆಯುತ್ತದೆ. ಗಟ್ಟಿಯಾದ, ಭಾರವಾದ ಮಣ್ಣುಗಳನ್ನು ತಪ್ಪಿಸುತ್ತದೆ,. ಚೆನ್ನಾಗಿ ಬರಿದುಹೋದ ಮರಳು ಮಣ್ಣು ಉತ್ತಮವಾಗಿದೆ. ಒಣ ಪ್ರದೇಶಗಳಲ್ಲಿ ಮತ್ತು ಕಳಪೆ ಮಣ್ಣಿನಲ್ಲಿ ಇದರ ಬೆಳವಣಿಗೆ ಕುಂಠಿತವಾಗಿದೆ. ಕೊಡಗಿನ ಪರಿಸರದಲ್ಲಿ ಚೆನ್ನಾಗಿ ಬೆಳೆಯುತ್ತದೆ. ಕರಿ ಮೆಣಸು ಬಳ್ಳಿ ಆಶ್ರಯಕ್ಕೂ ಪೂರಕವಾಗಿದೆ. ಮರವು ವೇಗವಾಗಿ ಬೆಳೆಯುವುದು, ಎಲೆಗಳು ಸುಲಭವಾಗಿ ಕೊಳೆಯುತ್ತವೆ.
ಫೋಟೋ 2 ಎಂಡಿಕೆ 01 ; ಮಹಗೋನಿ ಮರ
02 ; ಸಿಲ್ವರ್ ಮರ
03 ; ಮಹಗೋನಿ ಗಿಡಗಳು