ಭಾರತೀಯ ಷೇರು ಮಾರುಕಟ್ಟೆಯಲ್ಲಿ ದಾಖಲೆ ಬರೆಯುವ ನಿರೀಕ್ಷೆ ಮೂಡಿಸಿದ್ದ ನಿಫ್ಟಿ ಹಾಗೂ ಸೆನ್ಸೆಕ್ಸ್ ಭಾರೀ ಕುಸಿತ ಕಂಡಿದೆ.
ತಿಂಗಳ ಆರಂಭದಲ್ಲೇ ನಿಫ್ಟಿ ಹಾಗೂ ಸೆನ್ಸೆಕ್ಸ್ ಷೇರು ಮಾರುಕಟ್ಟೆ ಹೂಡಿಕೆದಾರರಿಗೆ ಸಂತಸ ನೀಡಿತ್ತು. ಆದರೆ ಈ ಎರಡು ಕಂಪನಿಗಳು ಏಷ್ಯನ್ ಮಾರುಕಟ್ಟೆಯಲ್ಲಿ ತೀವ್ರ ಕುಸಿತ ಅನುಭವಿಸಿದ್ದು, ಆ ಮೂಲಕ ಹೂಡಿಕೆದಾರರಿಗೆ ಶಾಕ್ ನೀಡಿವೆ. ಬಿಎಸ್ಇ ಸೆನ್ಸೆಕ್ಸ್ ಸುಮಾರು 700 ಪಾಯಿಂಟ್ ಕುಸಿತ ಕಂಡು 81,158.99ರಷ್ಟಕ್ಕೆ ತಲುಪಿದರೆ. ನಿಫ್ಟಿ 220 ಪಾಯಿಂಟ್ ಕುಸಿತದೊಂದಿಗೆ 24,789ಕ್ಕೆ ತಲುಪಿದೆ.
ಐಟಿಸಿ, ಎಚ್ಯುಎಲ್ ಟಾಪ್ ಗೇನರ್ ಆಗಿದ್ದರೆ, ಬಿಎಸ್ಇಯಲ್ಲಿ ಮಾರುತಿ, ಟಾಟಾ ಮೋಟಾರ್ಸ್ ಟಾಪ್ ಗೇನರ್ಗಳಾಗಿ ಹೊರಹೊಮ್ಮಿವೆ. ಅದೇ ರೀತಿ, ಎನ್ಎಸ್ಇಯಲ್ಲಿ ಅಪೊಲೊ ಹಾಸ್ಪಿಟಲ್ಸ್ ಮತ್ತು ನೆಸ್ಲೆ ಮಾತ್ರ ಲಾಭಗಳಿಸಿದರೆ, ಜೆಎಸ್ಡಬ್ಲ್ಯೂ ಸ್ಟೀಲ್, ಟಾಟಾ ಸ್ಟೀಲ್ ಹಿಂದುಳಿದಿವೆ.
US ನಲ್ಲಿ, ಹೆಚ್ಚುತ್ತಿರುವ ಆರ್ಥಿಕ ಹಿಂಜರಿತದ ಭಯದ ನಡುವೆ ಮಾರುಕಟ್ಟೆಗಳು ಮಾರಾಟವನ್ನು ಅನುಭವಿಸಿದವು, ಡೌ ಜೋನ್ಸ್ ಶೇಕಡಾ 1.21, S&P 500 ಶೇಕಡಾ 1.37 ಮತ್ತು ನಾಸ್ಡಾಕ್ ಶೇಕಡಾ 2.3 ರಷ್ಟು ಕುಸಿಯಿತು. ಇದಲ್ಲದೆ, ಫೆಡರಲ್ ರಿಸರ್ವ್ ತನ್ನ ವಿತ್ತೀಯ ನೀತಿಯನ್ನು ಸರಿಹೊಂದಿಸುವಲ್ಲಿ ತುಂಬಾ ತಡವಾಗಿದೆಯೇ ಎಂಬ ಬಗ್ಗೆ ಕಳವಳಗಳು ಹೆಚ್ಚುತ್ತಿವೆ ಎಂದು ವರದಿಗಳು ಸೂಚಿಸುತ್ತವೆ.
ಷೇರುಪೇಟೆ ಸೂಚ್ಯಂಕಗಳಾದ ಸೆನ್ಸೆಕ್ಸ್ (Sensex) ಮತ್ತು ನಿಫ್ಟಿ (Nifty) ಸಾರ್ವಕಾಲಿಕ ಗರಿಷ್ಠ ಮಟ್ಟದಲ್ಲಿತ್ತು. ಮುಂಬೈ ಷೇರುಪೇಟೆ ಸೆನ್ಸೆಕ್ಸ್ ಇದೇ ಮೊದಲ ಬಾರಿಗೆ 82,000 ಗಡಿಯನ್ನು ದಾಟಿದ್ದು, ನಿಫ್ಟಿ 50 ಸೂಚ್ಯಂಕವು 25,000 ಗಡಿದಾಟಿ ಮುಂದುವರಿದಿತ್ತು.
ಗುರುವಾರ ಬಿಎಸ್ಇ ಸೆನ್ಸೆಕ್ಸ್ ಶೇ. 0.47 ಅಥವಾ 388 ಪಾಯಿಂಟ್ಸ್ ಏರಿಕೆ ಕಂಡು ಮೊದಲ ಬಾರಿಗೆ 82,000 ಗಡಿ ದಾಟಿತ್ತು. ಹೊಸ ದಾಖಲೆಯ ಗರಿಷ್ಠ ಮಟ್ಟವು 82,129.49 ಅಂಕದಲ್ಲಿದೆ. ಮತ್ತೊಂದೆಡೆ ನಿಫ್ಟಿ 50 ಶೇ. 0.50 ಅಥವಾ 127 ಪಾಯಿಂಟ್ ಏರಿಕೆ ಕಂಡು ಮೊದಲ ಬಾರಿಗೆ 25,000 ಗಡಿ ದಾಟಿದೆ. ಹೊಸ ದಾಖಲೆಯ ಗರಿಷ್ಠ 25,078.30 ಮಟ್ಟದಲ್ಲಿದೆ.
ನಿಫ್ಟಿ ಸ್ಮಾಲ್ ಕ್ಯಾಪ್ ಶೇಕಡಾ 0.44ರಷ್ಟು ಏರಿಕೆ ಕಂಡರೆ, ಮಿಡ್ ಕ್ಯಾಪ್ ಶೇಕಡಾ 0.35ರಷ್ಟು ಹೆಚ್ಚಳ ದಾಖಲಿಸಿದೆ. ವಲಯವಾರು ನಿಫ್ಟಿ ಮೆಟಲ್ ಶೇ. 1.55ರಷ್ಟು ಏರಿಕೆ ಕಂಡರೆ, ತೈಲ ಮತ್ತು ಅನಿಲ ಶೇ. 0.64ರಷ್ಟು ಹೆಚ್ಚಾಗಿತ್ತು.