ಚೆನ್ನೈ: ಹಾಕಿ ಇಂಡಿಯಾ ಆಯೋಜಿಸುತ್ತಿರುವ 13ನೇ ರಾಷ್ಟ್ರೀಯ ಹಿರಿಯ ಪುರುಷರ ಹಾಕಿ ಟೂರ್ನಿಯಲ್ಲಿ ಕರ್ನಾಟಕ ಸೆಮಿಫೈನಲ್ ಪ್ರವೇಶಿಸಿದೆ. ಶನಿವಾರ ಇಲ್ಲಿ ನಡೆದ ಜಾರ್ಖಂಡ್ ವಿರುದ್ಧದ ಕ್ವಾರ್ಟರ್ ಫೈನಲ್ನಲ್ಲಿ 4-1 ಗೋಲುಗಳ ಅಂತರದಲ್ಲಿ ಗೆಲುವು ಸಾಧಿಸಿತು. ಶೇಷೇ ಗೌಡ 23ನೇ ನಿಮಿಷದಲ್ಲೇ ಬಾರಿಸಿದ ಗೋಲಿನಿಂದ ಕರ್ನಾಟಕ ಖಾತೆ ತೆರೆದರೆ, ಲಿಖಿತ್ 32ನೇ ನಿಮಿಷದಲ್ಲಿ ಮುನ್ನಡೆ ಹೆಚ್ಚಿಸಿದರು. 39ನೇ ನಿಮಿಷದಲ್ಲಿ ಜಾರ್ಖಂಡ್ ಗೋಲು ಬಾರಿಸಿದರೂ ಕೊನೆ ಕ್ವಾರ್ಟರ್ನಲ್ಲಿ ಹರೀಶ್ ಹೊಡೆದ ಅವಳಿ ಗೋಲು ತಂಡದ ಗೆಲುವು ಖಚಿತಪಡಿಸಿತು.